Adara as ua grana oportunitat de passar ua tempsada en un país diferent deth tòn, tamb ues autes règles. Se tot va plan, eth contacte contunhat tamb d’autes realitats culturaus te premanirà entà analisar e avalorar es navères situacions en qué te traparàs.
As d’aver present qu’er aprenedissatge interculturau ei prumèr d’arren un autoaprenedissatge. Cada persona ei soleta devant des autes e a de trapar, desvolopar e avalorar estratégies entà afrontar-se as sòns besonhs comunicatius.
En aguesta experiéncia era convivença presente broncs e contradiccions, mès tanben multiples possibilitats d’enriquiment mutuau mercé ar escambi de perspectives. Ès a mand de méter a espròva era tua dubertura interculturau?
